火山燒 (已結業)

開始入秋，天氣涼涼地，香港飲食文化一般都係，夏天食刺身而冬天就食火鍋，其實仲有一個幾好嘅選擇就係食燒肉，可能因為食燒肉唔平，逐串逐串食而逐串逐串計，都好貴，所以今次我地揀咗食燒肉放題。個爐都好有特色，同夠大，如果大家技術好可以一次過放幾十串落去燒。金菇肥牛好好食，肥牛夠簿，燒一燒就熟。雞腎必食，好爽口，魚餅都係。我叫咗個人蔘雞湯，超好飲，唔咸。蠔好大隻我地技術算係咁啦。海鮮類係必叫，好新鮮。仲有甜品食。