塚田農場 (已結業)

又係海港城搵食，都真係花多眼亂，塚田想食好耐，今晚會一會佢 ! 其實兩個人黎都真係唔知點咩好，本來我地諗住點個鍋，唔想諗野 !! 但最後我地又想食個燒雞，變左要選幾樣，哈哈 ~~首先呢個係銀帶天婦羅，估唔到幾好味，個炸漿好薄好脆，魚味較重！我地初時以為係潮州人既銀帶魚，但原來佢似多春魚咁既魚仔！呢個係烤小田牛沙律，呢個特別Menu黎！小田牛又未食過，試下佢！牛味都唔錯，又唔會好似和牛咁雪花，如果外層燒香少少更好！另外佢地塚田既菜都真係勁新鮮！我本來就係諗住黎食菜🤣 都真係唔叫火鍋，呢個選擇都唔錯🥰呢個係我地好掛住東京既炭燒雞！鹽燒黑薩摩雞，侍應哥哥話佢係燒到5-6成，中間粉紅色冇問題，因為係走地雞，全熟會好韌。但因為個火山石，其實都去到8-9成，又可以接受喎！又唔會韌到咬唔開，雞味仲好濃！佢仲配柚子胡椒醬/Wasabi/醋，我地3款都試哂，個人諗為最岩口味係wasabi！勁夾❤️最後係鰻魚梳乎厘玉子，初時我地以為佢係空氣感好重，但又唔會喎！玉子8-9成熟，都仲有少少滑蛋feel，但配鰻魚好似唔多夾，佢地做唔到朋友，好獨立！但味道唔錯既！因為太熱我地仲叫左烏龍茶，好爽🥰