麵屋豚豚拍子 x 辛味屋 (已結業)

今日同媽媽橕枱腳去食個lunch，大約12點到都已經有唔少人坐左係入面，有小小比較日式既卡位。食物方面媽媽叫左咖喱吉列豬扒烏冬，佢地係用讚岐烏冬，咖喱湯底唔算杰身，頭一啖覺得味道剛好，連烏冬都吸到咖喱味，食多幾啖就覺得唔夠濃味。吉列豬扒炸得好脆，配上酸味較重既沙律醬，味道還可以。我就叫左燒牛肉蓋飯，賣相同吉野家牛肉飯類似，牛肉份量不少，雖然肥瘦適中，但係口感好硬，醬汁都好淡，比較失色。2個定食都有碟粟米，加左小小芝麻醬，味道不過不失。