今餐朋友話事，全部都係佢自己發版咁滯，首先就叫咗個柚子沙律，呢個係完全係水果既沙律，入面一條條絲既係蘋果絲嚟既，甜甜地，俾啲唔太鍾意食蔬菜沙律既人就啱。
叫咗個燒海鮮既浜燒盛 - 丼瀛活貝大盛($298)，包咗幾款唔同海鮮，鮑魚、岩蠔、帆立貝同白蜆，啲海鮮全部都好大隻，而且新鮮即燒好香，特別係個帆立貝，加咗牛油燒，非常之香口。
築地壽司杯($148)，呢個係我要求點既，因為見到咁多款刺身選擇就覺得好吸引，而且每杯細細地咁食幾過引，每杯飯同刺身既份量啱啱好每樣一半，每啖食落去都好平均，個海膽更加係有加多黑松露，好香口。
丼瀛龍蝦刺身爆丼($228) - 大大隻龍蝦，入面既肉都有好多，又有幾款唔同既魚生，食完呢個已經好滿足
北極光海膽杯($198) - 海膽控朋友自己叫咗呢個海膽杯，入面除咗有好多海膽，仲有三文魚籽，好鮮味好正
食日本嘢點可以無壽司或者卷物，呢個加州東洋卷($78)都好好食，最鍾意佢上面好多蝦籽同沙律醬
不過飯類咁多個嚟講大家都好偏愛呢個原條鰻魚炒飯($128)，可能係本身鰻魚就已經係好受歡迎，再加上佢個海鮮炒飯炒得好香好好食，兩樣加埋就好完美。
另外呢兩樣自己就因為太飽無食到，不過朋友們都幾滿意。
劍魚腩蔥拖羅爆丼($128)
厚切三文魚三色爆丼($148)
