僕之拉麵 (已結業)

今日嚟到旺角，朋友想試拉麵，入到去環境係日式木系風格湯底有分豬骨濃湯同豬骨清湯（日本醬油/鹽味）我地試左特選拉麵，用咗1.5倍嘅炙燒叉燒，炙叉燒就長到成條鰻魚咁 ，燒得油脂分布平均，望落唔似平時食開既日式叉燒，入口好香，有淡淡既炭燒味，半熟流心蛋好香，湯底鹹度適中。肉愛食者拉麵醬油湯底真係好濃，如果嫌肉唔夠仲可以點肉愛食者拉麵，大片嘅叉燒份量係平時嘅3倍，完全圍滿晒成個碗邊，望到有少少嚇親！同樣有蔥、糖心蛋同埋竹筍。仲有一堆芽菜減輕食肉既罪惡感🙈配埋樽桃梳打真係好消暑！