誠拉麵 (已結業)

黃埔新張拉麵，位於AEON超市入面既一間拉麵店。星期一去到黃埔行街買野，行到肚餓，去超市睇下有咩好食。有好幾間日本食店，但比呢間日本拉麵店吸引到，因為價錢適中，本人又好喜歡拉麵，出面又冇見過誠拉麵，所以就決定要試一試。當然結果係不錯啦，睇埋下面既食評。誠拉麵位於AEON入面其中一間食店，好處各有喜好，各自拉食，唔洗被絆手絆腳。價錢適中，比出面其他拉麵店平少少。但款式湯底好似出面多d。叫左兩個麵餐，包括餃子、汽水。下圖係黑豚骨拉麵，極力推介。其實係黑蒜香湯底拉麵，聽個名都知好食。蒜香非常濃郁，湯底起掛，口齒留香。蒜香同拉麵估唔到咁夾，喜歡刺激既朋友一定要試。下圖係豚骨味噌。味道較淡，重口味人士可能要落多d調味料。我就覺得岩岩好，白郁郁既湯底就知店主呢個湯底夠晒時候。麵條彈牙冇得輸，再加上溫存蛋同叉燒，一流! 餃子，肉汁豐富，味道新鮮，如煎燶少少脆口更好。