立体派拉麵 (棉登徑) (已結業)

今日見OpenRice 訂位有85折，所以趁呢段時間去食拉麵！呢間拉麵店好岀名，中環都有分店！剩係個門面已經彷如日本！主打黃金味噌拉麵（$138），佢上菜好有起勢，食落有啲似擔擔麵，面上層有肉燥要自己撈均。😂味道幾濃偏咸，而拉麵麵質偏粗身，食落好有彈性，建議大家快啲食，麵會吸湯。唔好睇佢個碗細細，份量都算多，入面既肉都好大塊，最特別係有福袋，吸哂湯既精華，一咬落去，啲湯汁爆哂出嚟。另一個拉麵清清地，要左特級白湯，濃濃既日本雞整成既湯，配上半熟蛋同肥瘦圴暈既叉燒，好好味，岩哂怕肥膩既人，。小食推介大家必點雞翼，佢上面鋪滿芝麻炸得皮薄仲能鎖住肉質，好香口鮮嫩！野飲想懷舊一下，大家可以要波子汽水，gur 一gur 配埋拉麵小食，人生好滿足！