影片
更多
2018-05-02
89 浏览
喺香港日本菜都幾受觀迎，不過質素都十分參差。銅鑼灣都算係好多日本菜的地方，今日喺亨利中心試左間幾地道，幾乎日本人多過香港人的小店。甚有居酒屋風格的它，又有房的私隱度，又有吧枱的風格。今日和爸爸去試下，所以選擇左吧枱，除了可以近距離欣賞日本人廚師的手勢，更可以輕鬆地用餐。雜錦天婦羅天婦羅有日本小青椒，大蝦，南瓜，茄子，冬菇和蕃薯等好平常的材料，最令我感到驚喜是蓮藕，炸完好爽口。炸粉厚度適中，不油膩相信隔油的功夫做得好好。加上蘿蔔蓉的醬汁，食落感覺無咁熱氣！厚切池魚刺身時令的魚，又點可以唔試？店員奉上一塊當日新鮮貨的木板，入面都有唔少刺身和佐酒小食。當然要叫下飛機貨啦，唔係點話比人聽黎過日式居酒屋？既然唔飲酒，無叫佐酒小食，所以叫左出面比較少食的池魚。厚切就真正見到條魚係咪新鮮！池魚入口鮮甜，厚得令人滿足。入口無任何雪的感覺，那份清爽感覺好灑脫，加入青檸汁略為提味，更有夏天的感覺。薯仔燉肉呢個可以被稱為每一個日本女仔都一定要識的家庭小菜，黎得咁地道的小店一定要試下正宗日本人整的味道。正所謂愈容易整就愈試到師傅的功夫！薯仔切得一大舊，細嚼之下原來切都下了功夫，切了六角型！炆得淋身，加上燉的肉
喺香港日本菜都幾受觀迎，不過質素都十分參差。銅鑼灣都算係好多日本菜的地方，今日喺亨利中心試左間幾地道，幾乎日本人多過香港人的小店。甚有居酒屋風格的它，又有房的私隱度，又有吧枱的風格。
今日和爸爸去試下，所以選擇左吧枱，除了可以近距離欣賞日本人廚師的手勢，更可以輕鬆地用餐。
雜錦天婦羅天婦羅有日本小青椒，大蝦，南瓜，茄子，冬菇和蕃薯等好平常的材料，最令我感到驚喜是蓮藕，炸完好爽口。
炸粉厚度適中，不油膩相信隔油的功夫做得好好。加上蘿蔔蓉的醬汁，食落感覺無咁熱氣！
厚切池魚刺身時令的魚，又點可以唔試？店員奉上一塊當日新鮮貨的木板，入面都有唔少刺身和佐酒小食。當然要叫下飛機貨啦，唔係點話比人聽黎過日式居酒屋？既然唔飲酒，無叫佐酒小食，所以叫左出面比較少食的池魚。厚切就真正見到條魚係咪新鮮！
池魚入口鮮甜，厚得令人滿足。入口無任何雪的感覺，那份清爽感覺好灑脫，加入青檸汁略為提味，更有夏天的感覺。
薯仔燉肉呢個可以被稱為每一個日本女仔都一定要識的家庭小菜，黎得咁地道的小店一定要試下正宗日本人整的味道。正所謂愈容易整就愈試到師傅的功夫！薯仔切得一大舊，細嚼之下原來切都下了功夫，切了六角型！炆得淋身，加上燉的肉不老，入口薄片，那個入口甜甜地的醬汁會令人有追加白飯的感覺！一流！好想跪求食譜，試下喺屋企自已整。
三文魚親子飯你食日本野又點可以冇啲飯落肚呢，不過比較令人意外嘅係三文魚竟然係熟嘅三文魚，可能呢個係比較傳統嘅食法掛。而三文魚子用醬油醃左之後好好食，而且都好好送飯。加埋壽司飯酸酸地，幾開胃。不過如果三文魚係新鮮就仲好！
眼見小店的日本客人比香港人多，就這樣已經是質素的保證。有枱日本人離開時還用日語跟師傅confirm星期五的booking! 相信高質的食物才能留住客人的心和胃吧。
张贴
