影片
更多
2022-08-23
669 浏览
黑木亭居酒屋 (清風街) (天后)天后清風街10號清風大廈地舖想食得有水準又有日本嘅感覺，一定要黎黑木亭。逢星期一至三就係Lady’s night，就會送一杯棉花糖特飲，勁開心🥳好粉紅SWEET❤️夏の芒龍蝦多士 $329有清新鮮甜嘅芒果，烘得脆卜卜嘅多士，當然唔少得主角，超鮮甜爽口嘅龍蝦球！配合蛋黃醬，整個清新又無比鮮甜嘅多士就喺口中化開！A5宮崎和牛後腿 肉壽司(一件) $78A5級和牛，一聽就知神牛級別！後腿係屬活動肌腱，脂肪較為少，會較煙韌有嚼口，但經師傅薄切之後又會變得柔軟，但肉質又不失原來嘅風味！醬汁好濃稠，味濃郁，同和牛原來肉味完美調和，非常和味！豚肉包雞髀菇(武士辣醬) $38 豚肉嘅口感略為細膩，油脂同水份足，烤得微微香脆，包住爽口嘅雞髀菇，雞髀菇本身有别於其他菇種，口感厚實似肉類帶菇類嘅清爽，即使係薄切豚肉，捲咗雞髀菇都會有啖啖肉嘅質感。豚肉虎蝦(忌廉)$68 用豚肉包住虎蝦去燒，再配上忌廉汁係一種好嶄新嘅做法，鹹香好味道，蝦本身爽口彈牙，豚肉同忌廉配襯得意😎係一種多重滋味❤️牛肉三色椒(蜜糖黃芥醬) $38三色椒爽甜多汁，捲喺牛肉中間吸收咗牛油香，同時牛肉經烤過會從三
黑木亭居酒屋 (清風街) (天后)
天后清風街10號清風大廈地舖
想食得有水準又有日本嘅感覺，一定要黎黑木亭。逢星期一至三就係Lady’s night，就會送一杯棉花糖特飲，勁開心🥳好粉紅SWEET❤️
夏の芒龍蝦多士 $329
有清新鮮甜嘅芒果，烘得脆卜卜嘅多士，當然唔少得主角，超鮮甜爽口嘅龍蝦球！配合蛋黃醬，整個清新又無比鮮甜嘅多士就喺口中化開！
A5宮崎和牛後腿 肉壽司(一件) $78
A5級和牛，一聽就知神牛級別！後腿係屬活動肌腱，脂肪較為少，會較煙韌有嚼口，但經師傅薄切之後又會變得柔軟，但肉質又不失原來嘅風味！醬汁好濃稠，味濃郁，同和牛原來肉味完美調和，非常和味！
豚肉包雞髀菇(武士辣醬) $38
豚肉嘅口感略為細膩，油脂同水份足，烤得微微香脆，包住爽口嘅雞髀菇，雞髀菇本身有别於其他菇種，口感厚實似肉類帶菇類嘅清爽，即使係薄切豚肉，捲咗雞髀菇都會有啖啖肉嘅質感。
豚肉虎蝦(忌廉)$68
用豚肉包住虎蝦去燒，再配上忌廉汁係一種好嶄新嘅做法，鹹香好味道，蝦本身爽口彈牙，豚肉同忌廉配襯得意😎係一種多重滋味❤️
牛肉三色椒(蜜糖黃芥醬) $38
三色椒爽甜多汁，捲喺牛肉中間吸收咗牛油香，同時牛肉經烤過會從三色椒中涉取流失咗嘅些許水份，整個質感同風味都達致平衡，既甘香又清爽。
蜜桃烏龍熊茶$58
蜜桃微甜唔漏，茶味香濃帶澀，加埋一齊好清新又好飲！
北海道士多啤梨牛乳乳酸 $48
好濃郁嘅乳酸味同鮮果味，清甜消暑，好解渴！
燒汁牛肉金菇$58
金菇好爽口，牛肉薄切入口即溶烤得相當香脆，捲住金菇雙重口感，濃郁燒汁加強咗成個串燒嘅味道更為濃味。
张贴
