大漁屋台 (已結業)

在原來係女朋友屋企咐近間德寶商場有间食日本料理嘅店舖，叫做大漁屋台，等女朋友放工後，可以近近地行吓商場，然後食啲嘢，女朋友都贊成，因為佢今日多嘢做，要七点半先收工，我係商埸行咗一陣，女朋友打電話比我，已在大漁屋台等我，位都攞咗，因為佢太肚餓，所以叫咗嗰大漁屋台二人前，包括有，三式前菜，日本蕃茄八爪魚沙律，八爪魚好鮮甜，配沙律都好好食，刺身盛，有多種刺身，個人比較愛食油甘魚，因油甘魚好肥美，只得2片，都係我食哂，其他刺身比晒女朋友食，跟住重有 海膽蔥花拖羅蓉卷，海膽味比較凸出， 串燒拼盤有 煙肉廣島蠔，廣島蠔肉厚，诲水味濃，黑豚肉燒得香脆可口，鯖魚啖啖肉，沾少少汁，味道升華不少，翠玉瓜 燒得不太乾身，保持原味，加多一個豆乳雞肉軟骨丸子和紙火鍋 安格斯牛肉湯烏冬，同女朋友食埋呢兩個烏冬都飽晒，加埋嗰雪糕就完美無缺。