緣聚鮮鍋 (已結業)

朋友想食火鍋，我又想食刺身，最後大家傾唔掂數，一於搵一間又有得食火鍋又有得食刺身壽司嘅放題-緣聚鮮鍋。我哋揀咗特濃沙嗲湯底，坐低就可以用QR code點餐，點餐表入邊主要都係肉類海鮮類同埋一啲要加錢享用嘅食物，另外亦都可以行出去自己夾其他火鍋料。特級牛肩胛一定要食，牛味濃，又滑。呢度可以揀嘅海鮮都有唔少，沙白，扇貝，蠔都可以仼叫。出邊可以拎嘅有丸類，蔬菜類，同粉面。值得一提嘅係粉面選擇非常多亦都有好多平時比較少見到嘅例如日本素面日本葛絲同近期好Hit嘅台灣雞絲麵另外出邊仲有小食區，沙律區，甜品區，飲品區。飲品選擇非常之多，連我減肥中營養師推介嘅纖解茶都有，食完飲番盒罪惡咁都冇咁大。。哈哈😄甜品有雪糕機🍦，正呀。不過可惜係而家疫情暫停咗朱古力噴泉。爭啲留咗我最鍾意嘅日本美食區，除咗壽司之外刺身都係任食，三文魚，吞拿魚，油金魚，希靈魚，帶子，榮螺片，赤蝦。。都有咁多款可以揀。刺身厚切新鮮，質素唔錯