牛大人台灣火鍋吃到飽 (鱷魚恤中心)

营业中

休息中

今日又嚟到觀塘嘅牛大人，喺紅雨之下食返個靚晚。佢哋做緊一個叫做「炎夏椰樂祭」嘅主題，無論湯底、飲品、同甜品都有好多椰子嘅味道可以選擇，簡直係沉浸式咁食椰子。因為佢哋做緊椰子主題，所以特別叫咗一杯粉桃椰香嘅Cocktail，味道好清爽，有淡淡的椰子味，但係又唔會搶晒成杯Cocktail嘅味道，而且亦都飲到桃味嘅香甜，不過最估唔到都係竟然連火鍋店都可以飲到Cocktail。另外我哋都選擇咗佢哋嘅木瓜椰皇嫩雞鍋，真係好似我哋想像咁清甜。因為我哋另外一邊鴛鴦鍋係叫咗麻辣，有時都會食到想噴火，間住間住咁食返呢一邊椰子嘅食物，就可以中和咗浸辣味。而生啤同Cocktail都係可以任飲。我哋叫咗日本黑毛和牛A4+吃到飽套餐，A4和牛真係好出色，脂肪分布平均，入口即溶，而且非常有誠意，切得唔會薄到透明。另外佢哋仲有送一盤海鮮拼盤，不過因為聖子已經過咗時令，所以就轉左鰻魚，但都一樣咁新鮮，帶子、蠔、鮑魚都相當唔錯。