爆丼屋 (山東街)

营业中

休息中

旺角爆丼屋🛕咁有名唔駛多介紹，真係希望再係唔同區開多d分店，等我地可以易d食到😋🤤。自從佢地搬左新店，都未黎食過，新店裝修文青🧍‍♂️左，樓底又高，坐位寬敞。今日好彩早到，入到去已經剩番最後一枱位置，咁都俾我地入到去。今次因為朋友生日🎂我請客，所以食好d，唔睇價錢叫，最緊要好食同鍾意食。佢地既丼飯🍱係即叫即做，所以係需要少少時間。四重火山盛丼🍱：真係好似成坐火山咁，最頂層係滿滿既吞拿魚🦈蓉，旁邊仲有大量三文魚🐟籽，新鮮海膽&松葉蟹🦀肉。每一啖都有唔同既驚喜，材料夠新鮮，份量好足。三重大極上丼🍱：真係冇諗過係香港食到日本🇯🇵既質素，成個碗鋪滿厚切肥美既吞拿魚🦈，上層仲放左海膽，好甜好新鮮，增加成個丼飯既層次同味道。2個飯都有跟味噌湯，都出奇好飲。總結：咁高質既丼飯店現時只有2間咁少，希望可以快d開多幾間。