食之劇場餐廳 (已結業)

天清氣朗，入西貢走走，令人心曠神怡，從坑口地鐵轉乘101M小巴在白沙灣碼頭下車，在西貢碼頭附近有一間日本餐廳，面對海灣，格調寧靜舒適，餐廳播放柔和音樂，伴着廚師精心炮製的食物香氣四溢。坐下，老闆給我們專程由日本白神山運來香港的無汙染白開水，很有誠意。為求提升食物嘅質素，餐廳的所有食物都係用日本白神山的水來烹調嘅，我哋叫做兩客下午茶，一客是銀雪魚西京味噌燒，魚鮮甜，肉有質感，原來是日本銀雪魚，香煎時已經聞到魚的香氣四溢，廚師煎到金黃色後，再淋上日本嘅燒汁，十分美味。套餐還有味噌湯， 唔太鹹 ，豆腐又香又滑。 仲有漬物， 其中一角係蕎頭，用紅酒浸過，非常之爽，仲有牛蒡和蒜頭，健康又好食。套餐的飯是用日本米，香軟有黏性，吃這個套餐的感覺，好似去了日本一樣。飯後一杯香濃的咖啡，度過一個好悠閒嘅下午。