神山麺屋 (新聲大廈) (已結業)

未飛得去日本之前，崇日既我都要食返D日本野🇯🇵平衡下心理。平時行到尖沙咀都係人頭湧湧水洩不通，反而位於漢口道人流偏少。如果一個人吃拉麵🍜就係我Top 3 必食之選。【神山麵屋】以日本富士山🗾為主題，入內店鋪唔算好大，不過有卡位亦有吧枱都相當舒服。店員態度相當好，細心講解各種麵類之分，外牆設計亦滿帶日本味道。神山豚角沾汁麵 $88有湯麵或沾麵之分，我選擇後者。湯汁濃度恰到好處，麵條以硬身帶有爽口；麵沾上湯汁不太油膩，而且倍感滋味。最令人期待莫過於豚角燒至香口，肉質肥美又嫩滑連同麵條同吃，份外美味。吉列廣島蠔 $48即叫即整熱辣辣，香脆又可口。一客三件蠔肉又飽滿多汁，連同醬汁同吃滋味無比。蜜桃焙茶 $28飲品方面選擇蜜桃焙茶，香甜又解渴不錯。