潮福蒸氣石鍋 (已結業)

日本朋友离港之前，带佢去食好D，食海鲜，咁当然最好带佢试吓D佢系日本未试过嘅煮法啦，讲咗几个提意，佢话蒸气锅未试过，就请佢去潮福见识吓！首先点海鲜，水晶蟹，大只九节虾，鲍鱼，大圣子，花甲，老虎班腩.去年帮衬旺角潮福，服务唔错，有个侍应定哂时间帮忙蒸海鲜，哩个贴心服务同样出现系尖沙咀潮福，于对少落厨嘅客人黎讲，哩个服务可谓十分之正！唔会自己乱七八糟自已蒸到过哂火，浪费材料，但即使无人帮，唔紧要，潮福系餐牌上列哂所以食材蒸煮时间，哩一点要大赞啦！海鲜方面,，水晶蟹肉质唔够实，系最失望一环，但肉质尚算鲜甜.我好怕煮鲍鱼，总系掌握唔到时间煮得过火，潮福嘅蒸鲍鱼啱啱好，鲜甜无比，赞！老虎班卖净尾同腩，咁当然食腩位啦，但唔知蒸得过火，定系材料问题，皮又厚又韧，肉又唔够鲜甜又硬，浪费咗咁好嘅材料添！由六款高级材料精华煮成嘅海鲜粥压轴出场，不单只超鲜甜，而且蟹味极重，哩点相信成二千蚊嘅水晶蟹居功不少，即使已经满腹，都忍唔住食多两碗，日本朋友更加连食五碗，大赞好味！对于我黎讲，成晚最好味嘅系蒸马拉糕！同做人一样，我唔需要大鱼大肉，简简单单一个𩠌菜就够了。