影片
更多
2023-03-20
28 浏览
宮崎肉本舖係日本人氣燒肉放題店，今次衝出日本，喺香港開設海外首間分店，為香港人帶來120分鐘A5和牛燒肉放題🤩 餐廳位於銅鑼灣全新食廈Sugar+，全店有7間靠窗的半開放式包廂及榻榻米座位，坐位間隔寬敞，落地大玻璃採納自然光，配上和式嘅裝潢，環境舒適👍 店員十分親切有禮，客人可邊欣賞維園靚景，邊享受超高質A5和牛放題😻宮崎A5櫻花牛極上放題 $998/位 (120分鐘)今次介紹期待已久嘅宮崎A5櫻花牛極上放題，包括廚師發辦嘅和牛稀有部分同和牛放題，擺盤震撼眼界，每款和牛雪花超靚🤤 呢個放題包括西冷﹑和尚頭﹑壽喜燒🔥 另有無限追加嘅肩口肉﹑肩里肌﹑牛肋肉﹑五花腩﹑内後腿肉和外後腿肉，仲有超過60款放題單品仼你選擇，花多眼亂令人食指大動。由店員席前燒嘅和牛西冷令人印象難忘，西冷嘅脂肪同肉質比例非常均勻，比起肉眼脂肪會較少脂肪，唔會太肥膩，幼嫩中帶少許咬口，牛肉味道焦香濃郁😋 壽喜燒肉油花分佈均勻，手勢嫻熟嘅店員將新鮮蛋黃同壽喜燒汁拌勻，香味馥郁嘅蛋汁同清甜嘅壽喜燒汁混和，再配上壽喜燒肉，色香味俱全!! 部分和牛仲可以無限encore食到你夠飽為止，啱曬我依啲食肉獸😌放題單品因為單品實在多不
宮崎A5櫻花牛極上放題 $998/位 (120分鐘)
今次介紹期待已久嘅宮崎A5櫻花牛極上放題，包括廚師發辦嘅和牛稀有部分同和牛放題，擺盤震撼眼界，每款和牛雪花超靚🤤 呢個放題包括西冷﹑和尚頭﹑壽喜燒🔥 另有無限追加嘅肩口肉﹑肩里肌﹑牛肋肉﹑五花腩﹑内後腿肉和外後腿肉，仲有超過60款放題單品仼你選擇，花多眼亂令人食指大動。
由店員席前燒嘅和牛西冷令人印象難忘，西冷嘅脂肪同肉質比例非常均勻，比起肉眼脂肪會較少脂肪，唔會太肥膩，幼嫩中帶少許咬口，牛肉味道焦香濃郁😋 壽喜燒肉油花分佈均勻，手勢嫻熟嘅店員將新鮮蛋黃同壽喜燒汁拌勻，香味馥郁嘅蛋汁同清甜嘅壽喜燒汁混和，再配上壽喜燒肉，色香味俱全!! 部分和牛仲可以無限encore食到你夠飽為止，啱曬我依啲食肉獸😌
放題單品
因為單品實在多不勝數，我就揀幾樣嚟介紹啦😎
1) 蟹味噌甲羅燒：滿滿的蟹膏，喺烤爐上一邊加熱，香氣一邊不斷湧出，鮮味濃郁細膩
2) 自家製九州和牛黑松露餃子：餃子皮薄餡靚，和牛肉質鮮甜，配上黑松露獨特香味，絕對係驚喜之作
3) 明太子牛油野菌：一打開鍚紙，清新嘅菇味撲鼻而來，配合明太子鹹香味，鮮味十足
4) 白汁芝士帆立貝：帆立貝用錫紙兜裝著，經烤爐燒一陣，面層芝士燒焦香噴噴，帆立貝口感細膩鮮味濃郁
5）食燒肉我鐘意配沙律菜、凍料理一齊食，可以減低肉類嘅油膩感，宮崎肉本舖提供多款沙律🥗 例如宮崎肉本舖和風沙律，淮山松葉蟹肉沙律，胡麻豆腐菠菜沙律，和風蕃茄🍅 主食如蕎麥冷麵，廣島蠔和牛豆乳湯烏冬，同燒肉都係十分夾!!
食完火辣辣嘅燒肉一定要食番啲冰凍嘅甜品，試咗自家制3.6特濃牛乳奶凍，抹茶雪糕，柚子雪糕，都十分高質👍 為依餐宮崎A5櫻花牛極上放題畫上完美句號😁
张贴
