北海丼 (已結業)

去完一排外國好想食日本野，但行完山都已經兩點幾，完全醒唔起日本野多數會有三至六點嘅休息時間。唯有去太古城嘅日本餐廳睇吓有冇得食。好好彩嚟到呢間北海丼，仲要有下午茶。60幾次90幾蚊就有個丼飯食。雖然唔算多選擇，普遍都係吞拿魚同三文魚。見到有蟹肉嘅所以就叫左一個食。朋友嗰個吞拿魚丼，同我嗰個一樣都有中華沙律薦底。佢哋加左啲味粉響個飯度，個人覺得鹹咗少少。蟹肉比較淡，唔似即開即食嘅蟹肉罐頭咁鹹。朋友加左個小食，雞唔會話炸得太黑。仲有黑芝蔴添！每個丼飯都有面豉湯附送。由於我哋兩個都係諗住坐下食下咁樣，期間餐廳服務員不停幫我地添加茶。細心得黎並沒趕客既感覺。