良記

营业中

休息中

每次經過寶琳慧安，都會好想試佢d餃子，不過每次都好多人排隊，見到條龍都唔想排😂今次經過見佢準備開門，前面得兩個人排，我緊係即刻排埋一份啦！不過因為佢即包即煎，成間鋪都得兩個人，做到冇停手，前面果d又會叫勁多隻，所以排第三都等左成二十分鐘。受歡迎，係因為佢d煎餃平絕全港，兩蚊隻咋喎！我一個人食唔晒，佢仲可以比我單買兩隻，超好人唔好以為平野冇好野，熱辣辣已經先贏一步，外皮煎到脆卜卜，餡料又夠多，食完之後真心覺得排隊買係值得既！