八月堂 (已結業)

台灣八月堂進駐香港之後生意有增無減 分店開完一間又一間👏🏻 上星期先新開張嘅大埔分店仲日日排長龍！我本身對甜品同咸點就無特別偏好 但係八月堂嘅牛角包口味選擇多 本身個麵包夠多層仲好鬆軟 而且牛油味好香🧈 甜點我特別喜歡custard味 餡料軟滑之餘 奶味香又唔會過甜 而咸點我會推薦炙燒明太子 淡淡明太子嘅味道帶微微咸香 比較容易接受😉 如果你自問係咸蛋黃fans就絕對要試金沙芋頭嘅配搭 咸蛋黃蓉有流沙效果 加上天然嘅芋泥 中和咗蛋黃嘅咸味亦好滋味😋拎翻屋企用焗爐加熱2分鐘再放5分鐘就食到外脆內軟嘅感覺喇😝