日悅極尚日式放題 (裝修中)

今次第一次食呢间放题店，特别嘅地方就系环境宽敞，而且都几贴心，例如有专畀小朋友玩嘅区域。餐厅位于尖东么地道，位于二楼，平日嚟到，啱啱有位。刺身 (⭐⭐⭐⭐💢)刺身嘅款式都唔少。我哋点咗三文鱼、甜虾、泰式生虾、带子等等。刺身体积肥大，食落鲜甜新鲜，系放题嘅重点。薄切牛肉 (⭐⭐⭐⭐⭐)薄切牛肉由于薄身，所以食落非常有咬感，一啲都唔烟韧，几乎入口即溶，而且份量都唔少。芝麻鸡翼 (⭐⭐⭐⭐⭐)另一款推介就系芝麻鸡翼，肉质都几鲜美，有啲汁流出嚟，再加埋芝麻，一共都食咗几多件。寿司 (⭐⭐⭐⭐⭐)推介鹅肝带子寿司，鹅肝细细粒，不过带子就好大件，一啖咬落后真系好正。另外仲有海胆军舰，虽然我麻麻地海胆，但朋友话好正。雪糕甜品 (⭐⭐⭐⭐⭐)呢间嘢啲雪糕甜品款式非常多。甜品有马豆糕、焦糖布丁、大菜糕、木糠蛋糕等。雪糕仲正，有名牌子，分别有云呢拿、朱古力、士多啤梨同埋咖啡味。饮品款式都好多，除咗普通罐装或者樽装嘢饮之外，仲有酒精饮品。另外好餐厅仲有一个室温饮料区，非常贴心。埋单三百蚊之内，同普通放题店差唔多价钱，但系宽敞同丰富食物，几满足。~~~~~~~~~~~~~~~~~~~~~~~~ 日悦极尚日式放