月．火鳳燒鳥 (已結業)

同好耐冇見既朋友聚一聚，我地就決定揀返一間好既餐廳慢慢享受美食同埋傾計。我地搵左一間喺旺角開左幾個月既日式餐廳食晚飯。喺呢間餐廳食飯好感受到老闆既心思，除左新鮮既食材，仲有有心思既裝修設計以至係花心思搜尋既食具。好似呢個裝Sake既樽咁，倒酒既時候會有小鳥既叫聲，好特別！我地就決定食omakase,放心交俾廚師為我地準備美食。首先有呢個前菜。之後，就有四款刺身，師傅話啲刺身係即日喺日本空運到港既，食落去品賞到極新既味道！好惹味既炸蝦仔。仲有呢個配酒一流既螺。新鮮熱辣既串燒，高度推介雞尾，出面好少有。大大條既燒鯖魚。仲有水玄信餅做甜品啊！