居食屋「和民」 (1亞太中心) (已結業)

上個weekend去左觀塘食lunch，好似好耐無食和民所以去左亞太中心度食。可能我真係好耐無黎過，我幾喜歡佢個裝修，夠光猛，夠乾淨，之前黎個時個舊裝修好暗，連朝早都會覺得佢暗。Weekend都有Lunch Menu好好呀，有好多餐廳都只係weekday先有。我地叫左個散叫"蜆肉湯烏冬"同一個Set Lunch。個蜆肉湯烏冬好鮮味，蜆肉都好多，個湯又好清，好味道個set lunch我地要左個壽司卷盛加天婦羅冷蕎麥麵御膳，顧名思義個set有6舊壽司卷、天婦羅（蝦、南瓜、魚塊、紫蘇葉）、冷蕎麥麵、前菜沙律、麵豉湯、一杯野飲同甜品（兩舊小丸子加紅豆）。因為實在係太餓啦，所以唔記得影相，只係影左個未食既天婦羅個天婦羅炸得幾好，蕎麥麵都好食，壽司卷都好食不過d飯好散，一夾落去d飯就跌晒其實個set都幾多，一個人可能食唔晒。