豬屋日本料理

营业中

休息中

放假去咗大圍雲疊花園探表姐，之後去附近嘅豬屋日本料理食飯，餐廳係高質日式小店，裝潢設計像日本的居酒屋，主打便當、刺身飯、壽司，串燒、拉麵等。福岡便當，有和風燒汁飯+吉列豬扒1件+汁煮豬軟骨2件+日式圓蔥魚餅1件+味付螺肉。食材配搭得宜又豐富，吉列豬扒切成適中大小，肉質軟嫩鬆化。汁煮豬軟骨軟稔入味。日式圓蔥魚餅，洋蔥粒結合魚餅，啖啖清爽滋味。特選時令丼（三文魚，油甘魚，紋甲魷魚，甜蝦，芥辣八爪魚），刺身新鮮厚切又大件，三文魚和油甘魚色澤光鮮，紋理分明，油脂甘香，入口鮮甜。紋甲魷魚爽口彈牙，鮮味十足。甜蝦鮮甜。濃郁的芥末和鮮味八爪魚鮮味獨特，爽口彈牙！附送三文魚味噌湯，足料兼鮮味十足！咸檸七味道甜中帶咸，冰涼解喝。