影片
更多
2020-11-01
1975 浏览
之前间唔中都有帮衬呢间玉子造屋，但好似次次黎都改左唔同既餐牌，今日为左用餐饮券，黎多次食晚餐，顺便睇下会唔会又有新菜式，6点几黎到即刻有位唔使排队。不过对于我地坐既位有少少唔满意，因为对正收银机，侍应成日系呢到行黎行去，入单埋单，我觉得几烦。服务上，我觉得比以前好左，可能生意好返，侍应多野做d，唔得闲倾计Hea，落单埋单答野都有礼物。枱面有一樽水自己倒，留意返，入面冇柠檬片，所以唔系柠檬水，只系水喉水。今次我用左系OpenRice买既餐饮券，用$80就可以买到$100既券，等于8折，不过提提大家，记得要落单前同侍应讲，佢会用机即刻兑换，否则，我见有另一台客食完先讲，侍应唔俾佢用。睇睇佢既主餐牌，比较简单，一共得4版，但系都有唔同类型既款式，呢一版就系新菜式，我见个晚，寿喜烧同埋豆腐野菜锅都几多人食，不过就同张相系有少少分别，得上面既锅，唔会有下面既炉，所以食得慢d食物系会冻。当然仲有佢地既招牌旋风蛋包饭。沙律同小食就唔系好吸引，款式普通，价钱都系偏贵。最后一版都系唔太吸引，始终呢间系日式餐厅，唔系拉面店唔系西餐，所以呢几款似系fusion菜咁，之前食过拉面一般，唔及出面拉面店，所以今次
不过对于我地坐既位有少少唔满意，因为对正收银机，侍应成日系呢到行黎行去，入单埋单，我觉得几烦。
服务上，我觉得比以前好左，可能生意好返，侍应多野做d，唔得闲倾计Hea，落单埋单答野都有礼物。
枱面有一樽水自己倒，留意返，入面冇柠檬片，所以唔系柠檬水，只系水喉水。
今次我用左系OpenRice买既餐饮券，用$80就可以买到$100既券，等于8折，不过提提大家，记得要落单前同侍应讲，佢会用机即刻兑换，否则，我见有另一台客食完先讲，侍应唔俾佢用。
睇睇佢既主餐牌，比较简单，一共得4版，但系都有唔同类型既款式，呢一版就系新菜式，我见个晚，寿喜烧同埋豆腐野菜锅都几多人食，不过就同张相系有少少分别，得上面既锅，唔会有下面既炉，所以食得慢d食物系会冻。
当然仲有佢地既招牌旋风蛋包饭。
沙律同小食就唔系好吸引，款式普通，价钱都系偏贵。
最后一版都系唔太吸引，始终呢间系日式餐厅，唔系拉面店唔系西餐，所以呢几款似系fusion菜咁，之前食过拉面一般，唔及出面拉面店，所以今次都唔试啦。
今次仲要有新menu，系二人套餐$248，2款前菜+2款主菜，仲包饮品，几抵，但系我比较细食，所以都冇试到，如果大食人士/男仔，都可以试下呢个套餐。
生炸巨人鸡髀蛋包饭
$82
21 浏览
0 赞好
0 留言
落单后大约10分钟就黎左呢个饭，见到个巨鸡髀，真系吓到个心离一离，真系大都吓亲，好彩佢有俾只碟我切鸡髀。
味道方面，鸡髀几好食，一开始惊入面唔熟，但系切开系全熟，鸡皮唔系好肥，炸得好脆，食到卡卡声，鸡肉都好juicy软身，做到外脆内软，赞👍🏻
攞开左只鸡髀，就可以睇到只旋风蛋啦，蛋有少少奶味，好食，但除左个旋风外型，其实冇咩特别。
蛋下面包住d饭，饭好硬身，仲落左d七味粉，食落似糙米饭，个人唔钟意食。
咖哩汁有2款可以简，日式咖哩汁/番茄咖哩汁，我今次就简左日式，好香好好味，唔辣，捞饭几易入口，亦都可以cover左饭既难食。
但系点解呢个饭我只系俾3星呢？因为成个配搭非常唔夹，炸鸡髀系港式街道小食，旋风蛋同咖哩系日式，饭就大陆米，分开食系好食，但一齐食就系好奇怪，而且唔开胃，实在可惜。
盐烧鲭鱼饭
$88
11 浏览
0 赞好
0 留言
另外我地叫左鲭鱼饭，饭要加$10，正常白饭，都几细碗，但成个set就好日式，本身条鲭鱼都唔大，所以比例上都ok。
鲭鱼好好食，非常香盐烧味，鱼皮好脆，加柠檬更加香，鱼肉系淋够嫩，骨唔算多，但都要小心食。
最后埋单$87，计埋加一，呢到食物偏贵，餐饮券作用不大，只系平左$20，性价比唔高，本身谂住碌卡，但侍应话$100以内只收现金，不过我唔见店入面有写呢个规则，好彩我地有带现金，走既时候7点几，见到门口开始有人排队，所以唔想排队就要早d黎啦。
张贴
