三川居酒屋 (已結業)

今日同朋友行完世貿，想食日本餐廳，就黎到呢度食個便飯。店內環境舒適，我地幾肚餓，首先叫左個中華冷拉麵，92蚊。呢個冷麵溫度夠凍，又做到彈牙，配料有雞肉絲 ，蟹柳 ，蛋 ，青瓜 ，質素高。配上微酸同少咸既冷麵汁，好好食。日式牛肉鍋 148有時期待係有火燒住果種牛肉鍋，原來冇火爐。其實咁仲好，因為d牛質素高，好嫰口好滑呀。如果用火加熱會容易煮太老，或者要趕住食冇得慢慢傾計。 而牛大約有6-8件 ，加隻生蛋，再有好多菜。 所有食材都好高質。