餃餃餃子 (已結業)

喺日本已經有37間分店嘅餃餃餃子，進駐香港都一段時間，堅持每日新鮮包製，所以上次喺灣仔分店試過都唔錯，今日喺公司附近都見到開咗新分店，作為餃子都可以當飯食嘅M佬，今晚就約埋A姐撐枱腳。香辣青瓜漬呢個青瓜漬唔辣，但都算惹味，新鮮爽口，食落脆卜卜，好好味。日式湯烏冬烏冬都係清湯最啱我心意，湯底唔會話死鹹同好味精湯，烏冬煙韌好好味，配料仲有嗚門卷同腐皮。招牌餃子16隻今日呢個招牌餃子對比上次有啲失望，皮同皮之間痴住晒，一拎起就爛。而餃子餡以豬肉同蔬菜為主，賣點係唔會油淋淋。Shake Shake 餃子Shake Shake除咗薯條，仲可以同餃子合作！呢度嘅Shake Shake粉有鰹魚味、醬汁牛油味同栗米濃湯味，我哋今日就揀咗栗米濃湯味，將調味粉倒落去再Shake，誇張到明明食緊煎餃都似食緊湯餃。炸豬扒炸皮唔算厚嘅豬扒，食落有咬口，脆卜卜熱辣辣，相當唔錯。