影片
更多
2022-10-05
81 浏览
初初見到有呢間燒肉店係俾佢嘅環境吸引，你睇下佢d牆身，真係充滿濃厚嘅日式漫畫風味 🇯🇵店舖有一邊卡位，牆身係清一色 Slam Dunk 嘅主題🏀靚到啊😍 又掛咗好多色彩繽紛嘅旗仔，勁似去咗日本咁 🥳我果晚冇機會坐呢一區，但都行咗去打個卡 😁📸呢度放題plan係咁嘅：晚市精選熊本放題 $298/位呢個係基本plan，如果想要更多肉肉或其他食物選擇，可以：＋$38/位 升級澳洲和牛任食又或者＋$28/位 刺身放題❗另加一服務費因為呢排食肉肉食上癮 😂嚟到燒肉店梗係食佢d肉先啦 😌當晚同朋友就＋$38 升級澳洲和牛任食，刺身就或者留返下次食先試 😊📲 自助落單，但唔係用QR code，有塊平板電腦俾你直接揀食材，清清楚楚 😀肉類主打係牛牛啦 🐮 基本上都好多款，牛小排、西冷、牛仔骨、肩胛肉、牛舌、牛柳，呢d走唔甩實有，仲有牛五花添，連牛柏葉、牛胃都有！大部份肉質較腍身但都不錯，惟牛舌冇薄切就覺得可惜咗dd，個人覺得厚身得滯 😁不過真係推介大家最好＋$38 升級任食呢個和牛🔥其實咁樣係抵d啊！❤️唔知大家係咪都同我一樣鍾意食爽口同入口即溶嘅肉肉呢？佢有鹿兒島日本豚、和牛肩胛、和牛封門柳、和牛板腱
店舖有一邊卡位，牆身係清一色 Slam Dunk 嘅主題🏀
靚到啊😍
又掛咗好多色彩繽紛嘅旗仔，勁似去咗日本咁 🥳
我果晚冇機會坐呢一區，但都行咗去打個卡 😁📸
呢度放題plan係咁嘅：
晚市精選熊本放題 $298/位
呢個係基本plan，如果想要更多肉肉或其他食物選擇，可以：
＋$38/位 升級澳洲和牛任食
又或者
＋$28/位 刺身放題
❗另加一服務費
因為呢排食肉肉食上癮 😂
嚟到燒肉店梗係食佢d肉先啦 😌
當晚同朋友就＋$38 升級澳洲和牛任食，刺身就或者留返下次食先試 😊
📲 自助落單，但唔係用QR code，有塊平板電腦俾你直接揀食材，清清楚楚 😀
肉類主打係牛牛啦 🐮 基本上都好多款，牛小排、西冷、牛仔骨、肩胛肉、牛舌、牛柳，呢d走唔甩實有，仲有牛五花添，連牛柏葉、牛胃都有！
大部份肉質較腍身但都不錯，惟牛舌冇薄切就覺得可惜咗dd，個人覺得厚身得滯 😁
不過真係推介大家最好＋$38 升級任食呢個和牛🔥
其實咁樣係抵d啊！❤️
唔知大家係咪都同我一樣鍾意食爽口同入口即溶嘅肉肉呢？
佢有鹿兒島日本豚、和牛肩胛、和牛封門柳、和牛板腱
呢幾款我清咗一碟又嗌多一碟完美咁掃哂入口 😁🤤
喺熊本燒肉呢道，反而覺得佢d豚肉好好食喎！🐷💕
五花肉好爽口，食好多塊都唔漏，肉質都幾彈，燒到少少焦焦地食，外面脆口又熱辣辣咁真係好邪惡呀 😈😆👍
另外仲有雞肉，不過我哋食牛同豬都已經試唔哂咁多款喇 😂
除咗肉肉，呢度有多春魚、三文魚骨、辣魷魚燒！🤩
如果係飯桶同澱粉控都唔駛擔心，呢度都有白飯同2款湯底烏冬叫 🤣🤣🤣😬👍
亦都有蔬菜可以燒，
特別推介‼️‼️‼️✨
煙肉車厘茄卷 🥓🍅
煙肉燒到焦脆，夾埋燒到淋淋地嘅車厘茄，一咬落口，beat哂d車厘茄汁出嚟配埋脆口嘅煙肉 🤤 好juicy得嚟，因為有dd酸甜，遮蓋咗煙肉油香嘅邪惡感 😙 食多2件都唔怕 😋❤️
沙律大大兜 😳 我以為細細碗架咋！成個公仔麵碗咁大 😮 我叫咗個蟹肉蟹籽薯仔沙律🥗 薯蓉做得好軟綿 😋 雜菜配料同芝麻醬都俾好多 😆
強烈推介🔥‼️‼️‼️‼️
茄子田樂燒 🍆
真係好味到爆！😍🤤
如果唔係要燒肉呢，我淨係呢個我都會至少叫6件食 😋
燒得好鬼死香！d醬汁＋蒜蓉＋茄子本身有d水份... 咬落去超juicy真係好食到癲咗 🤩🤩🤩
仲有炸物：
日式餃子、天婦羅炸蝦、唐揚雞塊等
又有邪惡嘅脆皮香蕉、紫心香芋丸同芝士年糕 🍡🤤
小菜：
中華沙律、付味螺肉等
仲有得燒棉花糖！😆
甜品就唔算多，不過不失，呢度就唔多介紹。
不過放題到最後會送每人一件大大粒雪米糍 😙
基本上食咗咁多嘢都已經飽到上心口，食埋粒雪米糍就真係KO咗個胃了 😂😂😂
整體呢個放題嚟講都不過不失嘅 👌👍😄
张贴
