味道樂居酒屋 (河內道) (已結業)

@尖沙咀好耐冇食日本嘢，今日去到尖沙咀嘅「味道樂居酒屋」過下口癮。呢度嘅裝修好特別，有好多日本嘅小玩具同埋海報，好似真係去咗日本嘅居酒屋咁樣。軟殼蟹手卷 $58x2 上菜好快，店員叫我地快啲食咗個手卷先。軟殼蟹好脆好香口，仲有啲蔬菜好夾。三文魚壽司兩件 $38有冇人都好中意三文魚？切得都算厚，油脂都唔少，好味。三文魚火炙壽司兩件 $38燒咗之後仲香！口感更豐富。牛肉壽喜燒 $108熱辣辣超級香，keep住燒唔會凍！除咗牛肉有粉絲，金菇，菜，豆腐，洋蔥等等。牛肉都好新鮮同滑，唔會好快熟曬鞋曬。鐵板泡菜芝士雞 $98份量都多。好特別，芝士同泡菜都好香，加埋啲雞食層次分明。流心芝士燒年糕三件 $58超級好食！啲芝士好滑同埋唔會太甜。燒嘅唔會好熱氣。