三川居酒屋 (已結業)

座落於Sogo旁邊嘅三川居酒屋，裝修氛圍都受到日本風感染，令人有身在日本嘅感覺!而食物方面，同樣同日本有樣，都非常有保證，燒大蔥雞串、燒牛柳串燒得香口吸引，牛柳燒得嫩滑有口感，而雞串配上特別調制嘅醬汁，令雞塊更加入味！呢客火之夢壽司山，以吞拿魚、海膽、蟹肉碎鋪滿壽司飯之上，賣相極為吸引。而各款用料亦係極為新鮮，海膽質感絲滑，有入口即溶嘅感覺; 而蟹肉拆得夠幼細，可以極致地品嚐當中嘅鮮味，係個相當滿意嘅享受!呢客鰻魚牛油果加州反卷，中間包著嫩滑嘅鰻魚肉同牛油果，卷物外邊又包著滿滿嘅魚籽，口感脆卜卜，非常得意，再淋上秘製鰻魚醬汁，整件卷物層次感十足，亦有飽肚感覺，絕對值得推介!