影片
更多
2018-06-22
3607 浏览
黎到深水埗點都會行下西九龍中心，成個商場都有好多各式各樣嘅餐廳，已經有一段時間沒有光顧了...今日行完街見肚餓好快就搵到好嘢食。心血來潮想食燒肉，又想食下壽司，所以今次就揀咗韓日燒。門口已經好清楚寫低晚市嘅價錢，價錢亦都好合理$168加一，6:00前入座同埋8:45後入座就仲抵食啦！只要$148加一！場內環境都好大，不過就比較暗。所有嘢食都係自助都係要自己出去拎原來呢間野嘅壽司好似迴轉壽司咁，睇啱就拎一疊就可以㗎啦！坐迴轉卡位也不錯因為可以第一時間揀到睇中既壽司，挺方便的一坐低就見到張枱有兩個爐，原來一個係燒肉用嘅，另一個係打邊爐用嘅，可以一味兩食！而且枱面亦都放咗唔同嘅調味料，分別有鹽、七味粉、仲有專係比燒烤用嘅香料粉。所有嘅醬料都可以係自己出邊整，有非常之多唔同嘅配料可以任你撈，而且隔離仲可以有唔同嘅汽水飲品俾你去飲。飲品仲有蜜桃紅茶、五花茶、奶茶、芒果冰沙、蘋果綠茶、豆漿、熱咖啡等等！如果想飲酒，就要去返收銀枱嗰邊先至會有。講下壽司先，呢度嘅壽司款式比我想像中多，而且味道都唔錯，仲會有唔同嘅刺身！我哋拎咗海蜇壽司，中華沙律，花之戀，芥末八爪魚壽司，呢幾樣嘅壽司嘅質素都唔差架特別想
門口已經好清楚寫低晚市嘅價錢，價錢亦都好合理$168加一，6:00前入座同埋8:45後入座就仲抵食啦！只要$148加一！場內環境都好大，不過就比較暗。
所有嘢食都係自助都係要自己出去拎
原來呢間野嘅壽司好似迴轉壽司咁，睇啱就拎一疊就可以㗎啦！
坐迴轉卡位也不錯因為可以第一時間揀到睇中既壽司，挺方便的
一坐低就見到張枱有兩個爐，原來一個係燒肉用嘅，另一個係打邊爐用嘅，可以一味兩食！而且枱面亦都放咗唔同嘅調味料，分別有鹽、七味粉、仲有專係比燒烤用嘅香料粉。
所有嘅醬料都可以係自己出邊整，有非常之多唔同嘅配料可以任你撈，而且隔離仲可以有唔同嘅汽水飲品俾你去飲。
飲品仲有蜜桃紅茶、五花茶、奶茶、芒果冰沙、蘋果綠茶、豆漿、熱咖啡等等！
如果想飲酒，就要去返收銀枱嗰邊先至會有。
講下壽司先，呢度嘅壽司款式比我想像中多，而且味道都唔錯，仲會有唔同嘅刺身！我哋拎咗海蜇壽司，中華沙律，花之戀，芥末八爪魚壽司，呢幾樣嘅壽司嘅質素都唔差架
特別想講佢既芥末八爪魚壽司，估唔到比想像中都係好好食！
刺身款式都有好多，而且每次嘅配搭都會唔同，今次就拎咗甜蝦、赤海蝦、同埋八爪魚，除咗赤海蝦有啲腥之外，其他刺身都做得唔錯。
如果想食三文魚刺身，就要出去叫師傅切啦。而且回轉嘅輸送帶不斷會有人fill啲壽司上去，保證條輸送帶一直都會有唔同嘅壽司俾你揀。成個感覺都衞生啊
到燒肉方面，肉類款式都有好多，雞牛豬樣樣齊
而且肉身都幾好，燒完都好好味，唔會好硬咬唔開！食物既質素，真係有返咁上下水準
呢度有個小小貼心既位就係會在燒鍋裡放一張牛油紙, 令燒肉時不會肉件燶燶黑黑又黐底！不錯呢
仲有好多菜呀、瓜類同菇類可以燒，今次我仲見到有餃子，可以試吓煎餃子嘅滋味😋
蔬菜類或者菇類，如果唔想咁熱氣，可以選擇以打邊爐嘅方式去食。喺出邊有個位可以成個鍋拎去自己張枱度，湯底仲有兩款可以俾你揀，個鍋入面本身已經有啲菜，有冬菇同埋豆腐，大家如果覺得唔夠，可以再拎其他蔬菜、菇類、腸仔、什至係肉串都可以放落去打邊爐。
個湯底都幾好味，而且佢入面舊豆腐都好話好好食！除咗以上之外，仲有好多好多唔同嘅熟食悉任君選擇，除咗有飯有麵，仲有好多唔同小食，例如有咖喱角、薯角等等。
而且你可以叫師傅即場炒碟菜俾你食都得。師傅態度也不錯的啊
甜品方面佢都應有盡有，最特別嘅係呢度仲會有迷你葡撻，細細件唔會食飽你個肚😆
當然仲有雪糕可以任你食，不過口味選擇就唔多。
另外仲想推介嘅係呢度嘅豆腐花，我覺得都好值得去試吓，因為呢度嘅豆腐花的確係幾滑！
86 浏览
0 赞好
0 留言
自助放題任食一向比人感覺有差有好，沒有誠意的話就是粗製濫造，整體上合格有餘就驚喜滿分...呢間可以用一個價錢得到兩種享受，食物賣相一般但勝在出品味道唔錯！款式又多！
滿足晒心思思想食呢樣又想食個樣既心情！
最緊要服務好成晚食得開心又舒服！
题外话/补充资料：
6:00前入座同埋8:45後入座就仲抵食!!!
(以上食记乃用户个人意见 , 并不代表OpenRice之观点。)
张贴
