Hungry Monkey (海之戀商場) (已結業)

每次想食日式鐵板燒，第一時間就會諗起呢度。佢地除左肉類同海鮮之外，仲有御好燒同燒飯。仲有好多唔同既酒類同梳打選擇。🥗沖繩風沙律（$88）以沖繩特色既海葡萄同沖繩苦瓜為主打，口感清新。一道健康美味的開胃菜。🦑唐揚魷魚鬚（$58）經過調味後炸到外面酥裡面有食到魷魚爽脆既口感，送酒一流。🦪蠔（$98）蠔肉飽滿，味道鮮甜，煎完之後都冇縮水，落少少檸檬汁吊一吊味更鮮味🐙章魚御好燒（$108）另付紫菜碎同紅薑絲可以自己落。御好燒外層香脆，裡面仲係半凝固狀態，一啖裡面除左食到清甜既椰菜仲可以食到爽脆既章魚粒，配上醬汁、紫菜同紅薑絲更加惹味🐚鐵板帆立貝($68)帆立貝煎至半熟，口感軟稔，味道鮮甜，配埋新鮮既蔥花同辣🐮安格斯肉眼扒($168)肉眼扒肉質鮮嫩，牛味濃郁，配上新鮮既蔥花同埋辣辣地既炸蒜，食落就好似平時食鐵板燒既和牛卷咁🦀松葉蟹肉海膽炒飯($158)松葉蟹同海膽呢個配塔簡直係甜上加甜，而且炒飯夠乾食，每一啖都係鑊氣同鮮甜🥞鐵板梳乎里（$98）梳乎里口感鬆軟，配埋新鮮既生果同香甜既忌廉，作為成餐既結尾就非常完滿🍋柑桔青檸梳打（$48）以新鮮的柑桔同青檸調製而成，清爽酸甜。