鉄皇子小賣所 (已搬遷) 新店位置

鉄皇子主打日式鐵板燒外賣，一個定食$50-$80不等，即叫即燒，保證新鮮。鋪面雖然唔係好大，都有幾個座位可以堂食，而且食物選擇真係一啲都唔少，除咗主打嘅鐵板燒之外，仲有壽司同刺身😍我哋落咗order之後，睇住司傅係我哋面前燒，大概10分鐘就拎得喇，好高效率！先講壽司刺身類，三文魚壽司好厚切，好肥美，一客有6件🍣。另外刺身三點定食有三文魚腩、帶子同大蝦，三文魚腩同帶子好厚身，帶子彈牙有口感，好新鮮。日式米飯硬度啱啱好，加埋豉油同蟹籽，好正宗。仲有長條大蟹棒，一客有2條，蟹棒肉好實，加埋邪惡嘅千島醬，oishii~😋鐵板燒類別，叫咗鐵板鰻魚丼，師傅喺我哋面前燒原條鰻魚，燒到金黃色，鰻魚嘅油粉滲唒出嚟，好香，加埋少少紫菜碎同芝麻粒，賣相無得頂。仲有一定要試鐵板牛肉薄燒，牛肉薄片包住蔥蒜，捲起再加醬汁，色香味俱全，入口香口多汁，加埋蔥蒜一齊食，好有口感。鉄皇子小賣所 📍元朗鳳攸北街11-15號益發大廈地下1號舖