北海道食堂 (已結業)

到年尾，又返工又打掃，忙到無停手，當然要食餐好慰勞下自己啦~同老公去試下呢間北海道食堂，坐左係二人卡位遠處就望到有兩個師傅係個大鐵板前炒食物，陣陣食物香氣飄來。因為聞住d香氣太吸引，所以叫左兩個套餐：鰻魚飯套餐同我最愛既廣島蠔套餐，加3個小食（因為肚餓好似叫多左少少）首先，黎左鐵板炒野菜，見住師傅係鐵板前即炒，味道不錯。炸雞軟骨即炸，分量都多，粉漿適中，入口熱辣辣鰻魚飯套餐鰻魚肥美夠入味，一啖飯加一舊鰻魚，老公都食得好滿足！加左20蚊轉套餐，就有埋燉蛋、麵豉湯及熱柚子蜜。燉蛋滑嘟嘟，有少少酒味，不錯~老公好想食牛肉，所以單點左一份鐵板美國安格斯西冷，加左蒜片炒，大約6成熟，西冷夠淋，大約有10多件我既主菜廣島蠔都算幾大隻（有6隻），師傅係鐵板上煎得外脆內軟，加上少少黑椒做調味，正！非常滿足既一餐~~食完又要乖乖返去大掃除lu