幸運星

营业中

休息中

公司附近開左間疑似係茶記嘅物體，今日想飲杯奶茶就入去試下啦！門口好似翠華咁有麵包賣，經過都有人排隊買麵包。入到去坐低，咦？點解係食日本野架呢？雖然價錢都係同茶記差唔多🤣 叫左個吉列豬扒飯，配熱奶茶。豬扒熱辣辣，似係新鮮炸嘅，都唔算炸到乾爭爭。飯係珍珠米，但就唔係好多汁，食到一半已經無晒醬汁了。奶茶正常啦，無苦澀味，合格！不過，奶茶同滑蛋豬扒飯認真唔夾！係好錯嘅fushion🤣🤣🤣講真，$55質素算係咁啦，仲要係銅鑼灣，普通茶記一個餐都最少五十幾六十蚊啦！