三川居酒屋 (已結業)

今日由家姐帶路，食一間高質日本菜位於銅鑼灣，行過門口唔細心留意未必會注意到佢嘅存在順著樓梯行落去先見到間餐廳，好似好神秘咁～裝修大致上同日本嘅居酒屋差唔多，以木為主人多嘅話可以電話預約坐卡位「三川雜錦魚生 (並）$168」有生蠔，吞拿魚，油甘魚，三文魚，帶子放咗係檸檬上面嘅帶子，一啲腥味都無，好鮮甜油甘魚同三文魚好肥美，咬落去係feel到魚油生蠔係偏向淡身，都幾creamy，不愛生蠔陣味嘅人都會接受到「高菜蟹膏蟹肉炒飯 $128」用鐵板上夠哂熱辣辣，份量適中蟹膏放咗落去炒可能未必見到，但食落就好香一堆蟹肉鋪咗喺飯上面～「火之夢壽司山 $108」見到賣相我就估係火山爆發啦～"熔岩"係由吞拿魚腩蓉，海膽，蟹子同蟹肉組成"火山"就係壽司飯卷喺外面食呢幾款材料嘅壽司都頗貴呢度毫不吝嗇咁鋪晒喺面，個人覺得幾抵食尤其係個吞拿魚腩蓉，好正！「優選牛柳串 $45」無改錯名！真係優質牛肉！一咬落去，肉汁同牛肉味喺口內大爆發廚師仲燒到個表面少少脆，好好味「大蔥豬腩味噌燒 $42」上面嘅味噌係甜甜地，有啲似燒汁～大蔥同豬腩梅花間竹咁擺我認為係廚師嘅小心思因為咁樣可以減輕肥膩感我留意到大蔥入面都有味噌醬，完全