影片
更多
2023-05-06
22 浏览
平時食師傅發辦嘅壽司就食得多，今日食咗另一個版本係割烹菜式，以熟食為主，坐喺吧枱前面，睇住師傅精心炮製每一道菜。前菜先付日本粟米牛奶羊羹，似豆腐般好滑又帶點奶香，配埋個甜甜地粟米湯，幾特別！刺身拼盤，個擺設好出色，有春魚，用日本鹽麴及面麵豉奄過，有少少煙燻嘅味道，入口清甜。黑鯥魚，肉地結實，炸過京蔥條在面，魚肉實淨。喜之次，加青柚子皮在面，魚肉細緻，油花四溢，旁邊有蘿蔔苗，入口少少辛辣味，清一清口腔嘅油膩感。千葉縣地蛤-大蜆，湯內有芽蔥，海帶，好有趣的茄子其實係日本麩，蜆肉非常大隻，要切開一半去煮，入口清甜彈牙，個湯頭鮮味十足。富山元白海老唐揚，平時都係做壽司，今次少少輕炸，蝦味清甜，入口另一番滋味。毛蟹已拆肉，有紫蘇花在面，蟹鉗及蟹肉鮮甜，混合蟹膏一齊食，蟹味會更突出，旁邊酸味啫喱又可以帶起甜味。日本三大和牛-近江A5西冷，肉味香濃，肉身更甜，配合野菜天麩羅，左賀白蘆筍非常爽脆，粟米芯連埋粟米鬚一齊炸，口感更酥脆。吞拿拼盤有大，中及赤身位置，中吞拿有山葵莖在面，味道清新。豉油漬過赤身包著山藥條，口感更豐富。網燒蛇腹位置，有炭香，油份香濃，混合生熟的口感，吃到不一樣魚肉質感，魚身更鮮嫩
前菜先付日本粟米牛奶羊羹，似豆腐般好滑又帶點奶香，配埋個甜甜地粟米湯，幾特別！
刺身拼盤，個擺設好出色，有春魚，用日本鹽麴及面麵豉奄過，有少少煙燻嘅味道，入口清甜。黑鯥魚，肉地結實，炸過京蔥條在面，魚肉實淨。喜之次，加青柚子皮在面，魚肉細緻，油花四溢，旁邊有蘿蔔苗，入口少少辛辣味，清一清口腔嘅油膩感。
千葉縣地蛤-大蜆，湯內有芽蔥，海帶，好有趣的茄子其實係日本麩，蜆肉非常大隻，要切開一半去煮，入口清甜彈牙，個湯頭鮮味十足。
富山元白海老唐揚，平時都係做壽司，今次少少輕炸，蝦味清甜，入口另一番滋味。
毛蟹已拆肉，有紫蘇花在面，蟹鉗及蟹肉鮮甜，混合蟹膏一齊食，蟹味會更突出，旁邊酸味啫喱又可以帶起甜味。
日本三大和牛-近江A5西冷，肉味香濃，肉身更甜，配合野菜天麩羅，左賀白蘆筍非常爽脆，粟米芯連埋粟米鬚一齊炸，口感更酥脆。
吞拿拼盤有大，中及赤身位置，中吞拿有山葵莖在面，味道清新。豉油漬過赤身包著山藥條，口感更豐富。網燒蛇腹位置，有炭香，油份香濃，混合生熟的口感，吃到不一樣魚肉質感，魚身更鮮嫩。
筍子木之芽煮付，有空豆-蠶豆在內，荀子是不時不食的食材，入口爽脆清甜。
原隻岩手紫雲丹，味道不霸道，清幽的鮮味，餘韻十足，加上自家製三文魚籽及白蝦，鹹香鮮甜，互相輝映。
季節燒物，細細條的目光魚，係深海魚，油份出奇地豐富，師父花足手機去骨。
九州黑鮑，用上最高級的黑鮑魚，又一道手工菜，師傅花足心機去熬製，入口柔軟，咀嚼之間釋出鮮味，加埋鮑魚嘅肝醬，味道更濃更香。
海之幸茶漬飯，有鮮蝦，帆立貝及滑蛋喺飯面，食完成個人暖晒，作為一餐嘅結尾，剛剛好！
最後果物靜岡縣嘅蜜瓜及日本嘅山形縣櫻桃，顏色鮮艷，又爽又甜。
每一道菜都能帶出師傅對食物嘅要求，食材優質，全部都係當季嘅食材， 手工細緻，帶出食物嘅鮮味。
张贴
