郎田日本料理 (已結業)

約咗班friend响銅鑼灣見面，見呢幾日凍凍地，以為無乜人會走去食感覺上凍冰冰多嘅日本野，點不知lunch time 12點咁早，郎田已經好多人。原來郎田逢星期六、日同公眾假期，午市提供日式放題。行上前望一望個餐牌，嘩，果然好吸引！有刺身、壽司、串燒、天婦羅大蝦、燒物、和食…… 飲品：啤酒、汽水、特飲任飲、雪糕任食，應有盡有。我張信用卡仲有鍋物送添! 每兩位送一鍋，有「汁煮霜降牛肉鍋」、「奶白魚湯海鮮鍋」、「黃金蟹粥鍋」三款。哈哈，每鍋都有勢有名堂，老闆真係識做生意，唔怪得餐廳做得咁旺啦！我地一行六人見到用信用卡有咁好著數，就入左去食喇！D鍋物好好味……- 「汁煮霜降牛肉鍋」﹕霜降牛肉入口軟腍，伴以和風汁醬，香氣逼人!- 「奶白魚湯海鮮鍋」﹕用鮮甜魚湯做湯底，好開胃!- 「黃金蟹粥鍋」﹕粥底熬得細綿，鮮蟹新鮮，吃起來好正!返出嚟嘅時間個肚仲係暖架！邊個話日本野一定只有生冷嘢？冬天咁凍，來個暖笠笠嘅秋冬鍋物，人都覺得幸福Ｄ呀！