影片
更多
2021-09-13
213 浏览
聽聞荃灣開咗一間喺日本好出名嘅甜品店仲要有女朋友最鍾意嘅pancake就嗱嗱聲帶女朋友去食氹吓佢開心🥳因為食咗飯嘅緣故 我哋就嗌咗兩個甜品同兩杯嘢飲因為女朋友有少少飽佢就帶咗一杯特濃伯爵茶想消下滯 等自己第二個胃都仲可以食到甜品😂 雖然伯爵茶係用茶包泡製 但見佢嘅茶包係同我哋平時坊間買到同喺出邊飲到嘅唔同嘅 味道不錯 因為伯爵茶都有少少苦同濃味 飲慣伯爵茶嘅人 會喜歡佢嘅味道而我就嗌咗杯芒果沙冰 鮮芒果味濃 唔算太甜 有雪糕cream 同出邊嘅沙冰唔同 啱晒熱辣辣嘅夏天飲講返個重點先，我哋帶咗兩個主甜品一個係彩虹沙冰，另一個係抹茶忌廉梳乎厘pancake。食飽食滯建議食彩虹沙冰先 無奶無cream開胃啲 試完咁多隻味可以到煉奶再食 唔會驚太大碗而食到厭 女朋友覺得加咗煉奶好食啲 本身係果汁味濃啲 加咗煉奶會變咗少甜而不膩嘅奶糖味 加埋清爽口感 感覺好特別之後到女友至愛嘅抹茶忌廉梳乎厘pancake 呢個pancake真係好出色 首先講一講個pancake嘅軟硬度適中 鬆軟得嚟好彈 但得來又易咬 入口有種會化嘅感覺 口感一流 面上嘅少少糖霜 甜得嚟唔會影響到配搭抹茶忌廉嘅味道 抹茶忌廉更
仲要有女朋友最鍾意嘅pancake
就嗱嗱聲帶女朋友去食氹吓佢開心🥳
因為食咗飯嘅緣故 我哋就嗌咗兩個甜品同兩杯嘢飲
因為女朋友有少少飽佢就帶咗一杯特濃伯爵茶想消下滯 等自己第二個胃都仲可以食到甜品😂
雖然伯爵茶係用茶包泡製 但見佢嘅茶包係同我哋平時坊間買到同喺出邊飲到嘅唔同嘅 味道不錯 因為伯爵茶都有少少苦同濃味 飲慣伯爵茶嘅人 會喜歡佢嘅味道
而我就嗌咗杯芒果沙冰 鮮芒果味濃 唔算太甜 有雪糕cream 同出邊嘅沙冰唔同 啱晒熱辣辣嘅夏天飲
講返個重點先，我哋帶咗兩個主甜品一個係彩虹沙冰，另一個係抹茶忌廉梳乎厘pancake。
食飽食滯建議食彩虹沙冰先 無奶無cream開胃啲 試完咁多隻味可以到煉奶再食 唔會驚太大碗而食到厭 女朋友覺得加咗煉奶好食啲 本身係果汁味濃啲 加咗煉奶會變咗少甜而不膩嘅奶糖味 加埋清爽口感 感覺好特別
之後到女友至愛嘅抹茶忌廉梳乎厘pancake 呢個pancake真係好出色 首先講一講個pancake嘅軟硬度適中 鬆軟得嚟好彈 但得來又易咬 入口有種會化嘅感覺 口感一流 面上嘅少少糖霜 甜得嚟唔會影響到配搭抹茶忌廉嘅味道 抹茶忌廉更加可以用出色來形容 佢嘅濃稠度好適合配搭pancake一齊食 佢哋抹茶味夠濃 上面加咗抹茶粉 建議鍾意抹茶味嘅人要嚟試下 仲有啲粒粒紅豆蓉伴碟 三樣一齊食 好滿足 女友表示雖然喺香港食抹茶pancake嘅次數唔多 但呢間係出色好食嘅
順帶提一提因為所有pancake都係新鮮製作嘅 好嘢係會慢工出細活 冇咁快上到枱 不過等待係好值得嘅
特別提下 呢間甜品店裝修同其他日式甜品店好唔同 可能係傾向賣消暑甜品沙冰刨冰 個感覺好沙灘🏖️feel 又有啲夏威夷feel 擺盤嗰啲都好靚好吸引 座位之間好寬闊 張凳有個軟綿綿嘅咕𠱸可以挨下 幾舒服😌
荃灣咁多嘢行 行完想搵個地方坐低休息吓食下野 呢度絕對係一個好好嘅選擇嚟㗎
张贴
