加藤屋 (元州街) (已結業)

有啲食肆，2019 年之後就冇再幫襯過，例如吉野家，元氣，美心等。呢個世界冇話邊個冇咗邊個唔得，唔食元氣可以食壽司郎，唔食美心仲更加大把選擇，唔食吉野家，就當然係去幫襯平靚正嘅加藤屋啦。喺門口大約排咗十五分鐘隊先至可以入座。一坐底，感覺四周乾淨企理，好感度立即提升。第一次嚟，當然要試最 basic 嘅加藤牛肉飯。成個飯最正係粒粒飽滿彈牙嘅珍珠米，好好食；主角牛肉比吉野家厚身有肉味，唔會碎濕濕，加埋洋蔥同牛肉汁，唔使十分鐘我就幹掉成碗飯😌。