宮崎日式燒肉店 (已結業)

同同事食farewell 飯， 揀左之前同事試過話唔錯既“宮崎”食燒肉放題。除左叫左新鮮三文魚，甜蝦，榮螺刺身之外，仲有醃肉同炸物可以俾我地喪點。下面個雞軟骨餃子，味道唔錯，而且感覺唔會炸到好油膩。清酒白蜆雖然燒完之後d酒味蒸發左，但係蜆肉夠鮮甜。兩款野食完都要再encore 多次。佢地d醃肉，好似蜜糖，蒜香同黑椒三款味道雞翼。我覺得醃得幾入味。黑椒牛柳粒除左夠味之餘，肉質亦都好“淋”。最後，仲食埋佢地既“八色燒肉"，特別在用左八種唔同味道醃料去醃豬肉同雞肉，可以滿足到想試唔同味道既人。