牛繁 (MW Plaza) (已結業)

老公好鍾意食牛，今日lunch time帶咗佢去食好嘢，就係去尖沙咀食日式燒肉定食。牛繁來自日本，無論係裝修同食物，都好有日本嘅水準，而且服務員都非常有禮。我們選擇了特上牛胸腹肉和中落牛肋肉，每個定食配湯，前菜，沙律同飲品。湯係蛋花菇湯，前菜係菠菜同芽菜 ，沙律可以選擇薯蓉沙律或蟹柳沙律。飲品可以揀凍檸茶或者凍烏龍，唔使加錢。牛肋肉牛味濃郁而且有咬口，但我更喜愛牛胸腹肉，因為肉質比較嫩滑。我選了薯仔沙律，薯蓉做得好滑，夾雜一啲紅蘿蔔絲，非常美味。最後我仲加咗一個豆腐雪糕做甜品，豆味非常濃郁，好似飲緊豆漿咁，好味道。 呢度午市套餐嘅價錢幾化算，平過晚市好多，附近返工既朋友可以多一個選擇。