新齋橋 (已結業)

日式燒肉《新齋橋》今次同朋友book左一間位於觀塘工業區既日本燒肉《新齋橋》，位置非常方便，地鐵A2出口一出，過天橋5分鐘就到。環境方面：由於係臨近聖誕，所以有好多聖誕裝飾，打卡幾靚😆坐位都幾寬鬆，唔會太逼。主食：極上牛小排定食肉味鮮甜，好有牛味，份量方面亦都足夠，有十舊，一個人食都好夠😊略嫌牛小排厚度不足，有小小薄。主食：特上美國西冷扒定食西冷扒厚度十足，幾煙韌。小小Tips，如果大家可以食5成熟，絕對可以自己控制到舊牛排小小紅，小小熟，唔需要全熟。咁樣食會無咁韌，口感啱啱好。配菜及飲品：一客飯、麵豉湯、沙律、可樂特別一提，白飯入口即溶，一黎到已經聞到飯香。如果淨係食肉會好濟，所以要配合牛肉、牛排送飯。