影片
更多
2018-10-07
161 浏览
依家天氣開始凍，朋友就話要同我食煲仔飯。一開始去到銅鑼灣已經覺得好奇怪，點解食煲仔飯唔係去廟街，原來佢話係要帶我去食日式煲仔飯。😂日本紫薯蓉拌薯仔沙律成個沙律嘅相超級靚，寶藍色閃閃大碟，蟹籽粒傾巢而出，多到滿瀉，仲有少少嘅珍珠糖做裝飾，整個感覺都好華麗。日本紫薯好甜，蟹籽多到，啖啖都有。芝士玉子燒芝士控嘅朋友必叫，玉子好滑嫩，唔會over cook ，流心芝士拉絲係指定動作！合鴨大蔥串燒大蔥同鴨肉隔間串起，大蔥嘅蔥香中和咗鴨肉嘅油膩，冇膻味。吉列忌廉蟹肉餅吉列外皮酥脆，忌廉嘅蟹肉餡料好細滑。鵝肝帶子釜飯釜飯上場嘅時候，店員會比埋個沙漏，計住啲時間，咁就可以煮得啱啱好。一打開，就聞到淡淡嘅鵝肝香味，仲有冬菇、帶子、波菜做配菜，好豐盛。釜飯仲提供咗一個小茶壺，食到一半，就可以加茶，變泡飯。一式兩份嘅食法，都各有特式！菠蘿青檸梳打底下有粒粒菠蘿，好足料，菠蘿同青檸嘅組合好fresh !
依家天氣開始凍，朋友就話要同我食煲仔飯。一開始去到銅鑼灣已經覺得好奇怪，點解食煲仔飯唔係去廟街，原來佢話係要帶我去食日式煲仔飯。😂
日本紫薯蓉拌薯仔沙律
成個沙律嘅相超級靚，寶藍色閃閃大碟，蟹籽粒傾巢而出，多到滿瀉，仲有少少嘅珍珠糖做裝飾，整個感覺都好華麗。日本紫薯好甜，蟹籽多到，啖啖都有。
芝士玉子燒
芝士控嘅朋友必叫，玉子好滑嫩，唔會over cook ，流心芝士拉絲係指定動作！
合鴨大蔥串燒
大蔥同鴨肉隔間串起，大蔥嘅蔥香中和咗鴨肉嘅油膩，冇膻味。
吉列忌廉蟹肉餅
吉列外皮酥脆，忌廉嘅蟹肉餡料好細滑。
鵝肝帶子釜飯
釜飯上場嘅時候，店員會比埋個沙漏，計住啲時間，咁就可以煮得啱啱好。一打開，就聞到淡淡嘅鵝肝香味，仲有冬菇、帶子、波菜做配菜，好豐盛。釜飯仲提供咗一個小茶壺，食到一半，就可以加茶，變泡飯。一式兩份嘅食法，都各有特式！
菠蘿青檸梳打
底下有粒粒菠蘿，好足料，菠蘿同青檸嘅組合好fresh !
张贴
