三葉屋

营业中

休息中

今日同同事嚟到「三葉屋」，鋪頭細細，店裡擺咗唔少日式酒瓶，又有中式揮春，幾特別。我見隔離檯炸雞大大隻，所以我都嗌咗份「他他醬日式炸雞飯」。先講炸雞，份量大，啖啖肉，雞肉剛剛炸起，皮脆肉嫩，但味道就好淡，要靠點他他醬同檸檬汁調味。白飯加日式醬油，味道唔寡。價格方面略高，呢個餐$72，得餐茶同前菜奄瓜，略嫌不足，區內午餐界乎$50-$60，但他他醬同大隻隻日式炸雞嘅組合喺區內唔常見，有佢獨有之處。環境方面，鋪位細細，檯與檯之間距離好近，但坐得算唔差。總括而言，價格略高，但有獨特菜式值得一試。