影片
更多
2011-02-18
65 浏览
是晚決定去返第一次幫襯的尖咀太興廣場分店，只是剛１９點啫，又估唔到會有咁多人？原來仲係咁多人幫襯架？入到去搵好位，先去Counter買食品後行過隔離等食物到手，形式等同麥噹噹囉。如食火鍋的話就拎住Ｄ食物返埋位，再等阿姐拎個小火爐為您點火喇，時間都算快嘅，Ｄ阿姐都幾落力，但好明顯人手係好唔夠，因為來來去去都只有兩個阿姐，點火執枱添加湯都係佢地，尖咀呢間人流咁多真係做死人呀！！！其實呢晚我本來想食第四回的＜海鮮豆乳湯＞架，因為想食帆立貝同藍青口嘛，點知原來尖咀呢間分店冇供應呢款，只供應第三回的＜鱈場蟹棒味噌湯＞，喔...咁一場來到都要食架，鱈場蟹棒都ＯＫ丫，所以最後揀咗第三回＜鱈場蟹棒＞但冇味噌湯揀，唯有點日式濃湯囉。呢款套餐中食材有：鱈場蟹棒、日式芝士年糕、油揚、芋絲、娃娃菜、冬菇、南瓜、粟米、金菇和特切生牛肉(配日式焙煎芝麻醬)，如果唔食牛更可轉燻製生煙肉添。套餐更可自由配搭珍珠白飯、讚岐烏冬或日式粉絲，我當然揀日式粉絲啦，另可加不同價錢有不同食材，呢晚就加了$8墨魚餅喇。最後盛為$55.5。估唔到放係鍋裡滾滾滾咁耐的鱈場蟹棒食落都仲咁有蟹味，惦！另外其他蔬菜都幾新鮮，應該係因為太多人
入到去搵好位，先去Counter買食品後行過隔離等食物到手，形式等同麥噹噹囉。
如食火鍋的話就拎住Ｄ食物返埋位，再等阿姐拎個小火爐為您點火喇，時間都算快嘅，Ｄ阿姐都幾落力，但好明顯人手係好唔夠，因為來來去去都只有兩個阿姐，點火執枱添加湯都係佢地，尖咀呢間人流咁多真係做死人呀！！！
其實呢晚我本來想食第四回的＜海鮮豆乳湯＞架，因為想食帆立貝同藍青口嘛，點知原來尖咀呢間分店冇供應呢款，只供應第三回的＜鱈場蟹棒味噌湯＞，喔...咁一場來到都要食架，
鱈場蟹棒都ＯＫ丫，所以最後揀咗第三回＜鱈場蟹棒＞但冇味噌湯揀，唯有點日式濃湯囉。
呢款套餐中食材有：鱈場蟹棒、日式芝士年糕、油揚、芋絲、娃娃菜、冬菇、南瓜、粟米、金菇和特切生牛肉(配日式焙煎芝麻醬)，如果唔食牛更可轉燻製生煙肉添。
套餐更可自由配搭珍珠白飯、讚岐烏冬或日式粉絲，我當然揀日式粉絲啦，另可加不同價錢有不同食材，呢晚就加了$8墨魚餅喇。
最後盛為$55.5。
估唔到放係鍋裡滾滾滾咁耐的鱈場蟹棒食落都仲咁有蟹味，惦！
另外其他蔬菜都幾新鮮，應該係因為太多人都食火鍋喇，流量多自然新鮮Ｄ吧！？不過所有食材最恐佈就係日式芝士年糕喇.....一pat pat....好奇怪，唔好食。
墨魚餅都好食，好有墨魚味，唔係流野，Good。
最後食呢個日式粉絲就勁喇，分量使唔使咁多？食極都唔完，真的剩係食哂Ｄ粉絲都會覺飽呀！雖然冇乜味，不過滾極都唔會變得好粗同淋哂，都好食。
不過呢.....呢個日式濃湯真係好濃哩，每每滾到差唔多到尾就一定要快快加湯，如果唔係就會黐底架喇，就好似下面最後果張相咁囉，同埋呢....日式濃湯太甜了，不過整體以呢個價錢都算唔錯，食得飽飽又算好味丫。
张贴
