廿一前 (已結業)

今日去咗廿一前食日式火鍋放題，餐廳嘅食物種類選擇好多元化！🤩有各種肉類、刺身、串燒、天婦羅、炸物、丸類、蔬菜、飲品及甜品等等，真係應有盡有！💖我哋選擇咗甜豉油湯底，清清地可以突出返食材本身嘅味道！💕湯底上枱後，店員第一時間拎咗牛肉、豬肉、雞肉俾我哋！仲送一盤海鮮拼盤！😍刺身我哋選擇咗甜蝦、鯛魚、帶子、三文魚及希靈魚！ 當中帶子刺身鮮甜美味，正！🤩炸物及天婦羅其實差唔多，分別在於點沙律醬及天婦羅汁！我哋點咗冬菇、甜蕃薯仔、多春魚、雞翼、洋蔥圈、秋葵！即叫即炸，新鮮熱辣，好味道！😋串燒方面，各款串燒可以揀醬燒、鹽燒及味噌燒！我哋試左醬鹽燒雞腎、鹽燒及醬燒薄燒牛舌串、鹽燒雞軟骨、鹽燒雞皮、鹽燒菠蘿、鹽燒燒露筍腩肉卷及鹽燒蔥段豚肉卷！每款味道都唔錯！👍🏻最後甜品都有好多選擇！正呀！💛