八鍋堂．中日火鍋專門店 (已結業)

今日同朋友響旺角行街行夜左，於是一齊入左呢間餐廳打邊爐，雖然比較夜但都見到好多人入去食，因為夜左所以價錢都平d，而且環境幾好，坐得幾舒服。門口附近有個自助區，可以自己攞部份食物、飲品、甜品、雪糕、同埋調味醬料等等，飲品同甜品種類都幾多選擇，相當唔錯。火鍋湯底我地揀左個四格湯底（皮🥚蛋芫茜湯、豆乳海鮮湯、人蔘雞湯、冬瓜排骨湯），諗住岩返唔同朋友的口味，揀完湯底之後我地都開始叫野食，我地叫左好多海鮮同埋肥牛等等，呢度有樣野值得一讚係我地叫嘅野食都無miss單，因為去其他任食火鍋好多時多多少少都會有漏單情況，但呢度我地叫果d野食都有嚟齊哂，真係好值得一讚。而且海鮮同肉類質素都算唔錯，呢個價錢任食真係幾抵食。除左打邊爐之外，呢度仲有串燒可以叫嚟食，我地都叫左少少，都幾好食嘅；而且食完野仲有好多甜品可以自己攞嚟食，唔錯唔錯。呢間餐廳又多野食，服務又好，位置又就腳，而且坐得好舒服，真係好適合同朋友聚會食飯。