影片
更多
2021-11-14
69 浏览
灣仔上年就開咗間日式洋食屋☀️喺香港住嘅日本人都同肥仔推薦話質素唔錯！環境舒適有幾分似喺日本街道🇯🇵，重點服務態度非常之好同殷勤，係個個職員都好友善😯！餐廳主打鐵板和牛漢堡扒，用上100%日本產黑毛和牛精選部位以人手搓製🤲🏻，啖啖肉又juicy！漢堡扒之外仲有牛扒🐮、沙律🥗、意粉🍝！15:00～19:00仲做緊Happy Hour 買一送二優惠🍻⋯⋯⇛ 🔸日本產黑毛和牛厚切牛柳扒 $429厚切牛柳店員推薦叫五成熟，熟度真喺啱啱好肉質仲係非常粉嫩🔥，用上低溫慢煮再煎香所以口感好軟腍，牛柳一啲筋位都無，係近期食過最正最柔軟嘅牛扒😍超級推薦！！！⇛ 🔸招牌漢堡扒 【招牌香郁和牛燴醬汁】 $189招牌漢堡扒有四款醬汁口味，用上鐵板熱辣辣送上，店員會即時用刀割開錫紙🔪散發醬汁同香濃嘅肉香♨️，肥仔叫咗呢款和牛燴醬汁🐂味道有幾分似紅酒繪牛肉嘅味道🍷帶點蔬菜味嘅鮮甜，面頭再放上一嚿牛肋條🐮漢堡扒超厚身夠軟熟而且不鬆散，肉汁豐富🤤建議一份share就好，食太多會有少少膩🤏🏻驚唔夠飽可以+$20要白飯/麵包🥯！⇛ 🔸拔絲芝士三重奏肉丸 $119肉丸同樣以人手搓成6小粒，加上茄醬同鋪滿三款芝士焗至半融，做成強
灣仔上年就開咗間日式洋食屋☀️喺香港住嘅日本人都同肥仔推薦話質素唔錯！
環境舒適有幾分似喺日本街道🇯🇵，重點服務態度非常之好同殷勤，係個個職員都好友善😯！餐廳主打鐵板和牛漢堡扒，用上100%日本產黑毛和牛精選部位以人手搓製🤲🏻，啖啖肉又juicy！漢堡扒之外仲有牛扒🐮、沙律🥗、意粉🍝！15:00～19:00仲做緊Happy Hour 買一送二優惠🍻⋯⋯
⇛
🔸日本產黑毛和牛厚切牛柳扒 $429
厚切牛柳店員推薦叫五成熟，熟度真喺啱啱好肉質仲係非常粉嫩🔥，用上低溫慢煮再煎香所以口感好軟腍，牛柳一啲筋位都無，係近期食過最正最柔軟嘅牛扒😍超級推薦！！！
⇛
🔸招牌漢堡扒 【招牌香郁和牛燴醬汁】 $189
招牌漢堡扒有四款醬汁口味，用上鐵板熱辣辣送上，店員會即時用刀割開錫紙🔪
散發醬汁同香濃嘅肉香♨️，肥仔叫咗呢款和牛燴醬汁🐂味道有幾分似紅酒繪牛肉嘅味道🍷帶點蔬菜味嘅鮮甜，面頭再放上一嚿牛肋條🐮
漢堡扒超厚身夠軟熟而且不鬆散，肉汁豐富🤤建議一份share就好，食太多會有少少膩🤏🏻驚唔夠飽可以+$20要白飯/麵包🥯！⇛
🔸拔絲芝士三重奏肉丸 $119
肉丸同樣以人手搓成6小粒，加上茄醬同鋪滿三款芝士焗至半融，做成強烈拉絲效果🧀，
芝士控超like💓⇛
🔸白醬意大利麵 配 香煎北海道帶子 $189
北海道帶子果然無失望大粒又夠鮮甜，兩邊煎得勁香🤩，醬汁味道亦夠creamy非常濃郁，不過麵條再𣺉啲啲就更完美🍝！
⇛
🔸雜莓乳酪芭菲 $69
食太多肉類甜品點返杯雜莓乳酪消消油膩感🍃，底層喺雜莓果醬🫐中層喺乳酪加粟米脆片，最驚喜喺頂層嘅忌廉超幼滑😮三層一齊食喺最享受！
张贴
