店內裝修幾舒服，坐唔到幾多人，但空間幾舒服，都幾岩打卡。唯位同位之間可能稍為迫少少。
野食就介乎$140-180之間，個人就覺得比較貴，可能近100或100內會較合理（相較其他同類型舖頭）。
食物非常豐富，比想像多，有飯仲有麵
牛舌非常好食，咬落去淋，唔會太硬，佢d可以點既芥末都幾好食。
面豉湯清甜；沙律正常，凍豆腐好食，仲有個用菜包住塊餅狀既甜品類食物，都好食。茶碗蒸好食。
烏冬就得幾條，全部加埋飯，女仔食應該超飽，男仔食應該岩岩好。
唯牛舌我覺得可以加多幾塊，而家有d少唔夠囉，好快食晒
甜品有好似牛既黑芝麻蛋糕同抹茶布丁，size岩岩好，作飯後甜品唔錯。
呢間野食豐富，打卡一流，食物質素都ok，唯獨係有d貴。平少少有更好，不過佢都唔憂做
